पोखरा, ३ माघ ।
नेपाली काँग्रेसका सभापति शेरबहादुर देउवाले पहाडी र मधेसी जनताबीच द्धन्द गराउने षड्यन्त्र भइरहेको बताउनु भएको छ ।
काँग्रेस कास्कीद्वारा आज पोखरामा आयोजित कार्यकर्ता भेटघाट कार्यक्रमा उहाँले हिमाल, पहाड र तराईबीचको एकता देशको आवश्यकता भएको बताउनु भएको छ ।
मधेसलाई पनि मिलाएर लैजानु काँग्रेसको दायित्व भएको भन्दै उहाँले मधेसको माग संबोधन गरि निर्वाचनमा जाने बताउनु भयो ।
सिमाङकनको बिषयलाई लिएर संविधान संशोधन बिधेयकको बिरोध गर्नुको कुनै औचित्य नभएको भन्दै सभापति देउवाले तत्कालीन काँग्रेस सभापति सुशील कोइराला र केपी ओलीबीच हस्ताक्षर गरिएको अवधारणालाई अघि बढाइएको बताउनुभयो ।
संविधानको सफल कार्यान्वयन र देशमा सङ्घीय लोकतान्त्रिक गणतन्त्र संस्थागत गर्न आसन्न तीनवटै तहका निर्वाचनमा काँगे्रसको विजय आवश्यक रहेको भन्दै उहाँले त्यसका लागि पार्टी्भित्र आन्तरिक एकता कायम गरी अघि बढ्न कार्यकर्तालाई निर्देशन दिनुभयो ।
यस्तै काँग्रेसका पूर्व महामन्त्री एवम् पूर्व सभामुख तारानाथ रानाभाटले निर्वाचन गराउने कुरामा सरकार सक्रिय बन्नुपर्ने बताउनुभयो ।
काँग्रेस कास्कीका पूर्वसभापति एवम् सांसद यज्ञबहादुर थापाले तीन तहका निर्वाचन सम्पन्न गर्दै मुलुकमा संविधानको कार्यान्वयन गर्नका लागि पार्टीको नेतृत्वदायी भूमिका आवश्यक रहेको बताउनुभयो ।
