काठमाडौ २ माघ ।
परराष्ट्रमन्त्री प्रकाशशरण महतले नेपालको विकास आयोजनामा लगानी गर्न गैर आवासिय नेपालीलाई आग्रह गनुभएको छ ।
गैर आवासिय नेपाली संघ अमेरिकाको पाँचौ साधारण सभालाई गएराती टेक्सासमा सम्बोधन गर्दै उहाँले नेपाललाई आर्थिक विकासको बाटोमा लैजान एनआरएनएको भूमिका महत्वपुर्ण हुने उल्लेख गर्नुभयो ।
बिगतमा विभिन्न कारणले आर्थिक विकासका क्षेत्रमा पछि परेको नेपाललाई अब आर्थिक रुपमा अघि बढाउन सबै नेपाली एकसाथ र एकजुट भएर लाग्नुपर्नेमा जोड दिदै मन्त्री महतले यो अभियानमा गैर आवासीय नेपालीको साथ र सहयोग महत्वपूर्ण हुने बताउनुभयो ।
संविधान कार्यान्वयनमार्फत आर्थिक विकासको एजेन्डामा अघि बढ्न लागेकाले यो अभियानमा गैर आवासीय नेपालीको भूमिका महत्वपूर्ण हुने उहाँको भनाई थियो ।
पछिल्लो समय नेपालमा ठुला लगानीको वातावरण बनेको भन्दै मन्त्री महतले मुलुकको बर्तमान अबस्था, बाहिर चर्चामा आएजस्तो असहज नरहेको स्पष्ट पार्नुभयो ।
फरक प्रसङ्गमा परराष्ट्रमन्त्री महतले पुष्पकमल दाहाल नेतृत्वको वर्तमान सरकार कुनै खाले विदेशी शक्तिबाट प्रभावित नरहेको दाबी गर्नुभयो ।
साधारणसभामा अमेरिकाका विभिन्न १७ वटा च्याप्टर तथा उत्तर अमेरिका, क्यानाडालगायतबाट करिब ५ सय जना एनआरएनए सदस्यको सहभागिता थियो ।
