काठमान्डौ पुस २६।
परराष्ट्रमन्त्री प्रकाश शरण महत तीन दिने औपचारिक भ्रमणका लागि आज कतार जादै हुनुहुन्छ । कतारका विदेश मन्त्री सेख मोहम्मद विन अब्दुलरहमन विन जसिम अल थानीको निमन्त्रणामा उहाँ आज त्यस तर्फ जान लाग्नु भएको हो ।
मन्त्री महतसँगै भ्रमणमा परराष्टसचिव शंकरदास वैरागी र श्रम मन्त्रालयका प्रतिनीधि पनि सहभागी हुने छन् । भ्रमणका क्रममा परराष्टमन्त्री महतले भोली दोहामा विदेशमन्त्री थानीसँग औपचारिक भेटवार्ता गर्ने कार्यक्रम तय भएको परराष्ट्र स्रोतले जनाएको छ ।
उहाँहरु विच नेपाली कामदारका समस्याका विषयमा दुइ पक्षीय वार्ता हुने बताइएको छ । यस्तै कतारका श्रममन्त्री सँग पनि मन्त्री महतले भेटवार्ता गर्ने कार्यक्रम तय भएको छ ।
यसैविच परराष्टमन्त्री महत कतारको दोहाबाट आगामी विहीबार अमेरिका जाने कार्यक्रम तय भएको परराष्टले जनाएको छ ।
गैरआवासिय नेपाली संघ अमेरिकाको पाँचौ वार्षिक बैठकमा प्रमुख अतिथिका रुपमा सहभागी हुन मन्त्री महत अमेरिका जान लाग्नु भएको हो । कतार र अमेरिकाको भ्रमण सकेर मन्त्री महत आगमी माघ ३ गते स्वेदश फर्कने कार्यक्रम छ ।
