एजेन्सि ,मंसिर २२ ।
नेपालको रेमिट्यान्स कम्पनी आईएमई र अक्सिजन सर्भिस इण्डिया प्रा.लि वीच औपचारिक रेमिटन्स सेवा शुरु भएको छ ।
यो सम्झौतापछि अब भारतमा अक्सिजन सर्भिसका ३० हजार भन्दा बढी सेवा केन्द्रमार्फत नेपालमा पैसा पठाउन सकिनेछ ।
भारतमा अक्सिजन सर्भिस इण्डियाका सेवा केन्द्रबाट पठाएको पैसा नेपालमा रहेका आइएमईका १ सय ४९ वटा केन्द्रसहित ७५ जिल्लामा ५ हजार ४ सयभन्दा बढी सव–एजेन्ट र बैंक तथा वित्तीय संस्थाले भुक्तानी दिने छन् ।
काठमाडौंमा भएको कार्यक्रममा आइएमई ग्रुपका प्रवन्ध निर्देशक हेमराज ढकाल र अक्सिजन सर्भिस् इण्डिया प्रालिका अध्यक्ष एवं प्रवन्ध निर्देशक प्रमोद सक्सेनाले सम्झौतामा हस्ताक्षर गर्नुभयो ।
यो सम्झौतापछि भारतमा रहँदै आएका लाखौँ नेपालीले आफ्नो कमाईलाई छिटो, छरितो र विश्वसनीय ढंगले नेपाल भित्र्याउन सक्ने विश्वास आफूले लिएको ढकालले बताउनुभयो ।
भारतमा अक्सिजनको आरबीएल बैंक लिमिटेड र आइएमईको नेपालमा ग्लोबल आइएमई बैंक बैंकिंङ साझेदार हुन् ।
