ठेकेदारसँग मिलेर नगर प्रहरीले दुःख दिइरहेको भन्दै बालाजुस्थित नयाँ बस पार्कभिभत्र रहेका व्यापारी व्यवसायीहरु आन्दोलनमा उत्रेका छन् ।
राजधानीको संवाद डवलीमा आज पत्रकार सम्मेलन गरी आन्दोलित व्यावसायीले बिभिन्न ८ बुदे मा सहित चरणबद्ध संघर्षका कार्यक्रम पनि घोषणा गरेका छन् ।
पत्रकार सम्मेलनमा बोल्दै संयुक्त उद्योग वाणिज्य महासंघका अध्यक्ष युवराज पराजुलीले महानगरपालिका र निर्माणको जिम्मा दिइएको लोत्से बहुउद्देश्यीय कम्पनीबीचको सम्झौता नै अन्तर्रा्ष्ट्रिय मापदण्ड विपरित भएको बताउनु भयो ।
उहाले राज्यको सम्पतीमाथि निजी कम्पनीको एकाधिकार हुने गरी गरिएका सम्झौताको खारेजी गर्न पनि माग गर्नुभयो ।
कार्यक्रममा बोल्दै गोंगबुलाई अन्तर्रा्ष्ट्रियस्तरका बसपार्क बनाउनु खुशी कुरा भएपनि विभिन्न ठूला सपिङ कम्पलेक्सहरु निर्माण गरेर साना व्यवसायीयहरुको उठिबास लगाउन लागेको बताएका छन् ।
व्यवसायी दामोदर घिमिरेले बस पार्क अन्तर्रा्ष्ट्रिस्तरको बन्नु राम्रो भएपनि दलाल कम्पनीहरुले साना व्यवसायीहरुमाथि दुख दिने र सिण्डिगेट लगाउने तयारी गरिरहेको बताउनु भयो ।
व्यवसायी ठोकबहादुर गौतमले ठेकेदार कम्पनीसँग मिलेर नगर प्रहरीलेले दुःख दिइरहेकाले आफूहरु आन्दोलनमा जानु परेको बताउनु भयो ।
निजी कम्पनीको योजनामा आफूहरुलाई उठिबास लगाउन नगरपालिकाले नगर प्रहरी परिचालन गरेको उहाले दाबी गर्नुभयो । ‘बसपार्कमा दिउँसै लुट भइरहेको छ, जे मन लाग्छ त्यही गरिरहेका छन् । यसमा पार्टीका नेतादेखि कर्मचारीको मिलोमतोमा गरिबको साँझ–विहानको गास खोस्न काम भइरेको छ’ गौतमले भन्नुभयो । त्यस्तै बसपार्क्भित्र लामो समयदेखि व्यपार गर्दै आएकी देवकी खरेलले विना व्यवस्थापन आफूहरुको उठिबास लगाउन लागेका कारण आन्दोलनमा जानुको विकल्प नभएको बताउनु भयो ।
पत्रकार सम्मेलनमा बोल्दै व्यवसायी कार्यक्रममा व्यवसायी हरिचन्द्र पाठकले राजनीतिक पार्टीका नेताहरुको संरक्षणमा रहेको लोत्से कम्पनीको स्वार्थअनुसार नगर प्रहरीले धरपकड गरिरहेको बताउनुभयो । उहाले आफूहरु नयाँ बन्ने संरचनामा चलन चल्तीको भाडा तिर्न तयार रहेको धारणा राख्नुभयो ।
कार्यक्रममा उपस्थित नेकपा (माओवादी)का केन्द्रीय सदस्य उत्तमले बस पार्क्भित्र व्यपार–व्यवसाय गरेर जीवन गुजरा गर्दै आएका सर्वसाधारको उठिबास लगाउने विषयले आफूहरु गम्भीर भएको बताउनु भयो । उहाले व्यवासायीको आन्दोलनमा आफ्नो पार्टीको पूर्ण साथ रहेन प्रतिबद्धता समेत जनाउदै व्यवसायीलाई उठिबास लगाउनु भन्दा व्यवस्थापन गर्नुपर्ने बताउनु भयो ।
