काठमाडौ २१ मंसिर । प्रवासमै बसेर पनि नेपाली गीत संगीत क्षेत्रमा क्रियाशिल गायक कर्म दोङको नयाँ म्यूजिक भिडियो सार्वजनिक भएको छ । उनको पछिल्लो एल्वम कर्ममा समावेश गरिएको सोल्टीनी बोलको गीतको म्यूजिक भिडियो हालै सार्वजनिक गरिएको हो ।
पासाङ योन्जन लामाले निर्देशन गरेको म्युजिक भिडियोमा भिजे तथा मोडल सोनाम पाख्रिन र मिस तामाङ सुमी मोक्तानले अभिनय गरेका छन् । गीतमा गायक तथा संगितकार आसुसेन लामाको शब्द तथा संगीत रहेको छ ।
गीत र म्युजिक भिडियो दुवै राम्रो बनेकोमा प्रसन्नता व्यक्त गर्दै गायक दोङले दर्शकहरूको माया पाउनेमा आफू आशावादी रहेको बताए । भिडियोमा छायांकन ज्ञानेन्द्र शर्माको छ भने प्रविन श्रेष्ठले सम्पादन गरेका छन् ।
हाल अध्यायनका शिलशिलामा जापानमा रहेका गायक कर्म दोङको यो एल्बम थोपा मिडियाले बजार व्यवस्थापन गरेको हो । सुन कोसी तरेर म आउला बोलको गीत मार्फत दर्शक स्रोता माझ छाएका उनले यति धेरै माया दियौ, छेप्पका छसाम सिल्वा क्युई, हिमालै राम्रो हिउँले लगायतका दर्जन बढी सेलो तथा नेपाली गीतहरु बजारमा ल्याइसकेका छन् ।
प्रवासमै बसेर पनि उनी विगत एक दशकदेखि निरन्तर नेपाली संगीत क्षेत्रमा क्रियाशील छन् । जापान बसाईका क्रममा पनि उनी त्यहाँ हुने विभिन्न स्टेज शोहरुका व्यस्त गायक समेत हुन् ।
भिडियो :
