काठमाडौं, मंसिर १० । उर्जामन्त्री जनार्दन शर्माले कुलेखानीको पानी रित्याएर लोडसेडिङ्ग हटाएको भन्ने आधारहीन हल्लाका पछि नलाग्न आग्रह गर्नुभएको छ ।
नेपाल विद्युत प्राधिकरण कोहलपुर वितरण केन्द्रको उद्घाटन गर्दैे उहाले कुलेखानीको पानीको खर्च नगरि अहिले लोडसेडिङ घटाइएको बताउनु भयो । कुलेखानीको पानी हिँउदको लागि आवश्यक पर्ने भएकाले त्यसलाई सुरक्षित राखिएको उहाले स्पष्ठ पार्नु भयो ।
मन्त्रि शर्माले पिक आवरमा वासिङ मेसिन, हिटर, आइरन जस्ता धेरै विजुली खपत हुने उपकरणहरु नचलाई लोडसेडिङ घटाउने सरकारको अभियानमा साथ दिन उपभोक्तालाई अनुरोध पनि गर्नु भएको छ ।
बत्ती बाल्नको लागि पनि परम्परागत चिमको साटो आधुनिक खालका एलइडी बल्ब प्रयोग गर्न उहाँले सुझाव दिनुभयो । मन्त्री शर्माले सरकारी कार्यालयहरुलाई पनि हिटर बाल्ने र एसी चलाउने काम बन्द गर्न निर्देशन दिनुभयो ।
