काठमाण्डौ ,मंसिर ४ । ऊर्जामन्त्री जनार्दन शर्माले लोडसेडिङ मुक्त बनाउनका लागी चुहावट नियन्त्रण प्रमुख चुनौति रहेको बताउनु भयो । प्रेस सेन्टर नेपाल चितवनले आज आयोजना गरेको पत्रकार भेटघाट कार्यक्रममा बोल्दै मन्त्री शर्माले चुहावट नियन्त्रण गरि छिट्टै मुलुकभर लोडसेडिङ मुत्त बनाईने बताउनु भयो ।
चुहावट नियन्त्रण गरि जिल्लालाई पनि लोडसेडिङमुक्त बनाउनेबारे अध्ययन भइरहेको उहाले बताउनुभयो । व्यवस्थापनको समस्या रहेको भन्दै त्यसलाई पनि सुधार गर्दै आफू अगाडि बढेको उहाँले उल्लेख गर्नु भयो ।
बिद्युतको उपभोग र वितरणलाई व्यवस्थित गरि त्यसमा आईपर्ने समस्या समाधान र सुधार गर्दै आफू अगाडि बढेको उहाको भनाई छ ।
अधिक माग हुने समयमा उद्योगलाई दुई घन्टा लोडसेडिङ गर्दा आमजनतालाई विद्युत् दिन सकिने अवस्था रहेको बताउँदै मन्त्री शर्माले त्यसका लागि गृहकार्य थालिएको जानकारी दिनु भयो । फरक प्रसङ्गमा मन्त्री शर्माले संविधान संशोधनका लागि आन्दोलनरत दल र प्रतिपक्षीसँग छलफल भइरहेको बताउनुभयो ।
