ललितपुर ,५ कार्तिक ।
खानी तथा भूगर्भ विभागले आज ललितपुरको इमाडोलमा सफलतापूर्वक प्राकृतिक ग्यासको सफलतापूर्वक नमुना परीक्षण गरेको छ ।
नेपाल विज्ञान तथा प्रविधि प्रज्ञा प्रतिष्ठान (नास्ट), थापाथली इन्जिनियरिङ क्याम्पस र पुल्चोक इन्जिनियरिङ क्याम्पसको सहयोगमा विभागले पहिलो पटक नेपालमा नै ग्यास उत्खननको नमुना परीक्षण गरेको हो ।
उद्योगमन्त्री नविन्द्रराज जोशीको उपस्थितीमा सन् १९७८ मा स्थापित काठमाडौं ग्यास प्रोजेक्ट मार्फत् आज ग्यासको नमुना परीक्षण गरिएको थियो । यस अघि नेपालमा प्राकृतिक ग्यास परीक्षण गरिएको भए पनि सफल परीक्षण भएको थिएन।
विभागले इमाडोलसहित राजधानीका १४ स्थानबाट प्राकृतिक ग्यास उत्पादन गर्न सकिने बताएको छ । विभागले विभिन्न क्षेत्रको २६ वर्गा्किमीमा १४ वटा ग्यास वेल ड्रिल गरिसकेको छ ।
ग्यास वेल ड्रिल भएका क्षेत्रलाई तीन ब्लकमा बाँडिएको छ । इमाडोलमा तीन सय ५० मिटर गहिरो नयाँ वेल पछिल्लो वर्ष राखिएको हो ।
उद्योगमन्त्री जोशीले प्राकृतिक ग्यासबाट आगो बालेर नमुना परीक्षण सफल भएको देखाउनु भक्एो थियो ।
