काठमाण्डौ ,३ कार्तिक ।
नेपाल वायु सेवा निगमले आज दोस्रो पटक पनि काठमाडौं–ताप्लेजुङ उडान रद्ध गरेको छ ।
यसअघि उडान रद्ध गरेर पुन उडान गर्ने जानकारी सहित टिकट बिक्री गरेको निगमले पाइलट नभएको भन्दै आजपनि उडान रद्द गरेको हो ।
दसैं अघिपनि उडान गर्ने भन्दै दुईदिनको टिकट काठमाडौं काउण्टरबाट बिक्री गरेको थियो ।
पटकपटक टिकट बिक्रि गर्दै उडान रद्ध गर्ने गरेका कारण यात्रुहरु भने मारमा परेका छन् ।
जेठदेखि रोकिएको उडान थाल्ने भन्दै असोज १९ र २१ गतेका लागि टिकट काटिएको थियो । दसैंमा घर फर्कन मख्ख परेका यात्रुलाई एउटा जहाज बिग्रिएको भन्दै पैसा फिर्ता गरेको थियो ।
काठमाडौं–ताप्लेजुङ उडान जेठ १९ पछि नियमित हुन सकेको छैन । गोमा एयरले भने सोमबार विदेशी पर्यटकको एउटा चार्टर उडान गरेको छ । नियमित उडानभने कुनै कम्पनीले गरेका छैनन् ।
जहाज नचल्दा बिरामी असक्त तथा छिटो यात्रा गर्नुपर्नेहरु भने समस्यामा परेका छन् ।
