गोरखा, साउन ३२ ।
पूर्व प्रधानमन्त्री एवम् नयाँ शक्ति पार्टीका संयोजक डा. बाबुराम भट्टराईले भुकम्पपिडितलाई एकमुष्ठ पाच लाख रुपैया अनुदान रकम उपलब्ध गराउन माग गर्नुभएको छ ।
गोरखा पुनःनिर्माणः सम्भावना र चुनौती’ विषयको अन्तरक्रियामा भट्टराईले भूकम्पपीडितलाई घर बनाउने प्रयोजनका लागि दुई लाख रुपैयाँको सट्टा पाँच लाखकादरले अनुदान रकम वितरण गर्न आग्रह गर्नुभएको हो ।
गोरखाको बारपाकलाई केन्द्र बनाएर भूकम्प गएको १५ महिना हुँदा पनि पुनःनिर्माणको काम सुरु नभएकामा भट्टराईले सरकार र प्राधिकरणप्रति असन्तुष्टि जनाउनु भयो ।
पूर्वप्रधानमन्त्री भट्टराईले भन्नुभयो ,‘पचासथरिका सर्त राखेर दिएको दुई लाख अनुदानले घर बन्दैन’ पाँच लाखकादरले अनुदान दिने र न्यूनतम् ब्याजमा ऋण दिने व्यवस्था गरियो भनेमात्रै भूकम्पपीडितले भूकम्पप्रतिरोधी घर बनाउँछन् ।
सरकारले ५० हजारकादरले किस्ताबन्दीमा दिएको राहतले घर बनाउने सामग्री ढुवानी गर्न र जगखन्न पनि नपुग्ने भन्दै उहाले संसदबाट अधिकारसम्पन्न प्राधिकरण बनाएर पुननिर्माणको काम प्रभाबकारी रुपमा अघि बढाउन सरकारलाई सुझाव समेत दिनुभयो ।
