काठमान्डौ,साउन३।
पछिल्लो समयमा व्यस्त गायिकाको छवि बनाउन सफल गायिका हुन अनिता चलाउने ।
गत वर्षको नाँचिदेउ झिल्के भाँचिदेउ कम्मर बोलको तीजको गीत गाएर एकएका चर्चा बटुल्न सफल गायिका अनिताले त्यस यताका दिनमा पछि फर्केर हेर्न परेको छैन ।
दर्जन बढि गीतहरुमा स्वर दिइ चर्चाको शिखर चुमेकी अनिता अभिनयको क्षेत्रमा पनि जम्ने कोेशिसमा छिन् ।
उनको यस वर्षको आज गाउनी हो गीत लाज मान्दिन च्याप्पै बरिलै, थपडि बजाई देउ झ्याम झ्याम उठेर नाच्नी हो झ्याप्पै बरिलै बोलको तीज गीतमा उनी अभिनय पनि देखिदै छिन् ।
आफैले स्वरबद्ध गरेको सो गीतको अभिनय तर्फ उनी पहिलो पटक देखिन लागेकी हुन । उनको अभिनय रहेको तीज गीतको भिडियो आउने तयारीमा छ ।
मैले अहिले सम्म गाएका गीतहरुमा दर्शक श्रोताको माया पाएकी छु त्यसैले अभिनयमा पनि साथ पाउने आसा छ –अनिता बताउछिन् ।
साथै पहिलो पटक अभिनय गरेकाले क्यामेराको फेस गर्दा अप्ठ्यारो महसुस भएको उनले बताएकी छिन् ।
