काठमाडौं, १ असार ।
शेयरबजार कारोबारको समय आजदेखि एक घन्टा थपिएको नेपाल धितोपत्र बोर्डले जनाएको छ ।
नयाँ आर्थिक बर्षको पहिलो दिन देखि नेप्सेमा हुने कारोबारको समय थप एक घन्टा बृद्धि गरी बिहान ११ बजेदेखि अपराह्न ३ बजेसम्म गर्न लागेको हो ।
नेपाल स्टक एक्सचेन्ज लिमिटेडले धितोपत्रको दोस्रो बजार कारोबारमा भएको बृद्धि तथा सरोकारवालाहरुको सुझावअनुरुप कारोबारको समय थपिएको बोर्डको भनाई छ ।
धितोपत्र कारोबारको राफसाफ तथा फछ्र्यौटकार्य पूर्ण अभौतिकरुपमा हुने व्यवस्थापश्चात् बजारमा बढ्दै गएको कारोबारलाई हेरी लगानीकर्ताहरुलाई सुविधादिने उदेश्यले एक घन्टाको समयावधि थप गर्ने नेप्सेले निर्णय गरेको थियो ।
साथै, लगानीकर्ताहरुलाई सुविधादिने उद्देश्यले समय थप गरिएकोमा त्यसकोे प्रभावकारीताको लागि दोस्रो बजार कारोबारसँग सम्बन्धित क्लियरिङ बैंकको संख्या थप गर्ने, कारोबार प्रणालीमा सुधार गर्नेलगायतका अरु विषयमा पनि बोर्डले नेप्सेलाई गम्भीर ध्यानाकर्षण गराएको जनाइएको छ ।
