१० असार, काठमाडौं । सुनको मूल्य आज एकैदिनमा ३ हजार रुपैयाँ बढेको छ । बिहीबार ५६ हजार रुपैयाँ प्रतितोलामा कारोबार भएको सुन आज एकैदिन ३ हजारले बढेर ५९ हजार रुपैयाँ कायम भएको हो ।
यो साता सामान्य घटबढ भइरहेको सुनको एकैपटक मूल्यमा ३ हजार रुपैयाँले बढेको नेपाल सुनचाँदी व्यवसायी महासंघले जनाएको छ ।
महासंघका अनुसार बेलायत युरोपियन युनियनबाट बाहरिने निश्चित भएपछि सेयर बजारमा पाउण्ड स्र्ट्लिङको मूल्य ओरालो लागेर सुनको मूल्यमा असर परेको हो ।
महासंघका अध्यक्ष मणिरत्न शाक्यले बेलायत यूरोपियन यूनियनबाट अगल हुने जनमत प्कट भएलगत्तै सुनबजार उकालो लागेको बताउनु भयो । नेपालको इतिहासमा सुनको मूल्य एकैपटक यति धेरै बढेको पहिलो हो । यसअघि सुन एकपटकमा २४ सय रुपैयाँसम्म महंगो भएको रेकर्ड थियो ।
उहाकाअनुसार हिजो अन्तर्रा्ष्ट्रिय बजारमा प्रति औंश १२ सय ६३ डलरमा कारोबार भएको सुन आज एकैपटक १३ सय ३६ डलरमा पुगेको हो ।
यसैबीच आज चाँदीको पनि प्रतितोला ३० रुपैयाँ महंगिएको छ । शुक्रबार ७ सय ९० रुपैयाँ प्रतिलोलमा किनबेच भएको चाँदी ८ सय २० रुपैयाँ कायम भएको छ ।
