काठमाडौं, ७ असार ।
अन्तर्राष्ट्रिय योग दिवसका दिन आज राजधानीको नारायणहीटी संग्राहलयको सडकमा विशेष कार्यक्रमको आयोजना गरिएको थियो ।
वर्षाको कारण टुँडिखेल हिलाम्य भएकाले नारायणहिटीको सडकमै योग दिवस मनाइएको हो ।
कार्यक्रममा प्रधानमन्त्री केपि ओली , भारतीय राजदुत रणजीत राय लगायतको उपस्थिती थियो । प्रधानमन्त्री ओली उहाकी पत्नी सहित सपरिवार कार्यक्रममा सहभागी हुनुभएको थियो ।
कार्यक्रमको उद्घाटन गर्दै प्रधानमन्त्री ओलीले योगको सुरुवात नेपाली पुर्खा र विद्धानले गरेको बताउनु भयो ।
योग नेपाली भूभागकै उत्पत्ति भएको दावी गर्दै उहाँले स्वस्थ शरीर र स्वस्थ विचारका लागि योग आवश्यक रहेको धारणा राख्नुभयो । उहाँले योग दिवसलाई संयुक्त राष्ट्र संघबाट मान्यता दिलाउन पहल गर्ने सबैप्रति आभार समेत व्यक्त गर्नुभएको छ ।
यस्तै कार्यक्रमलाई सम्बोधन गर्दै शिक्षामन्त्री तथा समितिका संयोजक गिरिराजमणि पोखरेलले योग नेपालको विशिष्टतम् चेतना भएकोले यसलाई विद्यालयस्तरमा विस्तार गर्ने पर्नेमा जोड दिनु भयो ।
