विराटनगर, असार ७ ।
सूचना तथा सञ्चार मन्त्री शेरधन राईले संविधान पुनर्लेखनकोे कुरा असम्भव रहेकोे बताउनु भएको छ । ८२ प्रतिशत सदस्यको हस्ताक्षरसहित पारित गरेको संविधान पुनरलेखनको कुरा सम्भव नभएको उहाले बताउनु भयो ।
प्रेस चौतारी नेपालले आज बिहान विराटनगरमा गरेको पत्रकार सम्मेलनमा बोल्दै उहाँले अधिकतम मतले जननिर्वाचित संविधान सभाबाट जारी भएको संविधान पुनर्लेखन गर्न नमिल्ने जिकिर गर्नुभयो ।
उहाँले मधेसवादी दलले उठाएका मागका विषयमा सरकार सकारात्मक भएपनि संविधान पुनर्लेखनको कुरा उपयुक्त नभएको टिप्पणी गर्नुभयो ।
संविधान कार्यान्वयनमा सरकार लागि सकेको अवस्थामा फेरि संविधान पुनर्लेखन गर्नु पर्छ भनेर मधेसवादी दलले देशलाई दलदलमा फसाउन चाहिरहेको स्पष्ट हुने उहाँको आरोप छ ।
सरकारले संविधान कार्यान्वयन कार्यतालिका सबै दलसँगको छलफलबाट नै ल्याएको स्पष्ट पार्नु भयो ।
