सिर्जना तिम्सिना /
काठमाण्डौ ,२ असार । नेपाल प्रहरीको केन्द्रिय अनुसन्धान व्युरोले बन्यजन्तु तस्करिमा संलग्न भारतको पटना घर भएका महमद्ध उसामनलाई पक्राउ गरेको छ ।
काठमाडौ रानीबारी स्थित अनिल शाहिको घरमा डेरागरी बस्ने उसामन १०९ ओटा जिउँदो कछुवा र १६५ ओटा जिउँदा चरासहि पक्राउ परेको जिल्ला बन कार्यलय काठमाण्डौका कार्यक्रम सहायक विश्वनाथ रिजालले बताउनु भयो ।
पक्राउ परेका महमद्ध उसामनको कोठाबाट कछुवा राख्न प्रयोग गरिने १३६ ओटा प्लास्टिकका भाँडा, १३९ ओटा साना ट्रे र १८ ओटा पिजंडा बरामद भएको प्रहरीले जनाएकोछ । महमद्ध जिल्ला बन कार्यालयको हिरासतमा रहेका छन् ।
त्यस्तै बरामद गरीएका बन्यजन्तु प्रहरी, नगरिक समाज जिप्रकाका प्रतिनीधी र नागरिक समाजको रोहोवरमा सदर चिडियाखाना जाउलाखेलमा लगिएको जिल्ला बन कार्यालय काठमाडौका डिएफो डा. इन्द्रप्रसाद सापकोटाले जनाउनु भएकोछ ।
बन्यजन्तु तस्करीमा सलग्न उसामनलाई कडा कानुनी कार्वाहि गरिने जनाईएको छ ।
