असार २ काठमान्डौ ।
आधुनिक तथा पप गायनको क्षेत्रमा चर्चा बटुल्न सफल गायक रमेश श्रेष्ठ मेलोडिको नयाँ म्युजिक भिडियो सार्वजनिक भएको छ । ‘सिरुपाते ओठ तिम्रो’ नामक म्युजिक भिडियो यु–ट्युव मार्फत हालसालै सार्वजनिक गरिएको हो ।
दर्जन भन्दा बढि गीतमा आवाज दिएका मेलोडिले सोहि अनुपातमा संगीत पनि भरेका छन् । सो म्युजिक भिडियोमा पनि मेलोडिकै सुमधुर स्वर तथा संगीत रहको छ ।
म्युजिक भिडियो मार्फत एउटा सुन्दर केटीको प्रसम्शा गर्नुका साथै सुन्दरता अनुसारको उसको व्यवहार नभइ फरक व्यवहार रहेको जस्ता भाव पोखिएका छन् ।
द रोयल क्रियशनको प्रस्तुति रहेको सो म्युजिक भिडियोमा वर्षा सिवाकोटी र दिपक तामाङ फिचरिङ छन् ।
माधव खरेलले शब्द संयोजन गरेको सो म्युजिक भिडियोको निर्देशन निर्देशक सरोज श्रेष्ठले गरेका हुन् । ज्ञानेन्द्र शर्माले छायाङकन गरेका भिडियोको सम्पादन उज्ज्वल ढकालले गरेका हुन् ।
सिरुपाते बोलको गीत मेलोडिको आँखी झ्याल एल्बममा संग्रहित तेस्रो गीत हो ।
(भिडियो सहित)
https://www.youtube.com/watch?v=g6KMkJTIVGI
