काठमाण्डौ ,१ असार ।
नेपाली कंग्रेसले भुकम्प प्रभावित सम्पूर्ण जिल्लामा तत्काल ठोस कदम नचाले संसदमा सशक्त रुपमा प्रस्तुत हुने चेतावनी दिएको छ ।
नयाँ बानेश्वरमा आज बसेको संसदीय दलको बैठकले भुकम्पपिडितहरुको पुनस्र्थापना तथा राहत वितरणमा गम्भिर बन्न सरकारको ध्यानाकर्षण गराउर्दै माग सुनुवाईमा सरकार गंभिर नभए संसद अवरुद्ध गर्ने सम्मको कार्यक्रम ल्याउने चेतावनी दिएको हो ।
बैठकले पुनर्निर्माणमा राजनीतिकरण नगर्न, वास्तविक पीडितको तथ्याङ्क संकलनमा भेदभाव नगर्न, पुनर्निर्माण प्राधिकरणलाई कार्यकर्ता भर्ती केन्द्र नबनाउन, अघिल्लो सरकारले गरेको निर्णय कार्यान्वयन गर्ने बारे सरकारको ध्यानाकर्षण गराउने निर्णय गरेको हो ।
राजनीतिक आस्थाका आधारमा पीडितहरुको लगत संकलन समेत प्रभावित हुनु दुखद भएको बताउँदै बैठकले सम्पूर्ण पीडित नागरिकलाई एकै स्थानमा राखेर राज्यको जिम्मेवारी निर्वाह गर्न सरकारलाई आग्रह गरेको सांसद रामकृष्ण यादवले जानकारी दिनुभयो ।
संसदीय दलका नेता समेत रहेका सभापति शेरबहादुर देउवा जुम्लाबाट फर्किएपछि आगामी रणनीतिबारे थप निर्णय गर्ने यादवले बताउनुभयो ।
