काकरभिट्टा ,३२ जेठ ।
नेकपा एमालेका नेता माधब कुमार नेपालले मुलकमा राजनितिक क्रान्ति पुरा भईसकेकाले अब आर्थिक क्रान्ति गर्नुपर्ने बताउनु भएको छ ।
झापाको काकरभिट्टामा आज कार्यकर्तासँगको भेटघाटका क्रममा नेता नेपालले राजनितीक नेतृत्व जुगाको लडाईमा व्यस्त रहेको भन्दै अब एक अर्कामाथिको आरोप प्रत्यारोपलाई छाडेर आर्थिक विकास तर्फ अग्रसर हुनुपर्ने बताउनु भयो ।
राजनितिक दल र नेताको खिच्चातानीकै कारण मुलुक अशान्त हुने भन्दै उहाले वर्तमान समस्या समाधानका लागी सबै एक हुनुपर्नेमा जोड दिनुभयो ।
उहाले स्थानीय निकायको चुनाव तोकिएकै मितिमा गर्नुपर्ने भन्दै त्यसका लागी आईपर्ने कानुनी अड्चन सरकारले हल गरेर निर्वाचनको वातावरण बनाउनु पर्ने बताउनु भयो ।
माओवादीले जातिय मुद्धालाई उठाएर गरेको आन्दोलनका कारण देश अन्योलमा परेको आरोप लगाउर्दै नेता नेपालले ढिलै भएपनि अहिले जनताको हातमा शासन सत्ता आईपुगेको चर्चा गर्नुभयो । उहाले अब देशको द्रुत विकासका लागी आर्थिक पाटो मजबुत हुनपर्ने धारणा राख्नुभयो ।
आगामि आर्थिक बर्षको बजेट कार्वान्वयनपछि लोकप्रिय बन्ने देखेपछि विपक्षी दल काग्रेस आत्तिएर बिरोध गरेको बताउनु भयो ।
कार्यकर्तासँगको भेटघाट अघि उहाले आजै बिहान मेचिनगर १० काकरभिट्टा स्थीत मनमोहन स्मृति भवनको अवलोकन गर्नुभएको थियो । हिजो बेलुका सिक्कीमको पारिवारी भ्रमण सकेर काकरभिट्टामा बस्नुभएका नेता नेपाल आज दिउसो काठमाण्डौ फर्कनुभएको छ ।
