काठमाडौ ,३१ जेठ ।
नयाँ शक्ति नेपालले पार्टीको भावी रणनितिका विषयमा आजबाट छलफल सुरु गरेको छ । दुई दिनसम्म चल्ने छलफलमा पार्टीको भावी रणनितिका साथै आगामि कार्यदिशा समेत तय गर्नेछ ।
राजधानीको कमलादीमा जारी छलफलमा पार्टीको विधान, समृद्धिको खाका र राजनितिक दस्तावेज गरी तीन ओटा प्रतिवेदन प्रस्तुत गरिएको छ ।
संयोजक बाबुराम भट्टाराईले नयाँ शक्तिको अधार पत्र, नेता देवेन्द्र पौडेलले संगठनात्मक सिद्धान्त र विधान तथा नेता रामेश्वर खनालले आर्थिक सम्वृद्धिको खाका नामक कार्यपत्र प्रस्तु गर्नुभएको हो ।
त्यी कार्यपत्रमाथि आजै छलफल हुने पार्टी प्रवक्त खिमलाल देवकोटाले जानकारी दिनुभयो । कार्यपत्रमाथि विभिन्न १२ ओटा समुहमा छलफल हुने बताइएको छ ।
आगामी २५ वर्षभित्र समृद्ध मुलुक निर्माणको महत्वकांक्षी योजना अघि सारेको सो पार्टीले मुलुकभित्र र बाहिरबाट आएका प्रतिनिधिहरुसँग छलफल सुरु गरेको हो । छलफलमा एक हजार पाँच सय प्रतिनिधि सहभागी छन् ।
यसअघि हिजो राजधानीको दशरथ रंगाशालामा विशेष समारोहकाबीच पार्टी संयोजक डा. बाबुराम भट्टाराईले नयाँशक्ति नेपालको औपचारिक औपचारिक घोषणा गर्नुभएको थियो ।
