काठमाडौ २९ जेठ ।
भारत भ्रमणमा रहनु भएका उपप्रधान तथा परराष्ट्रमन्त्री कमल थापाले आज दक्षिण एसियाली विश्वद्यिायको दिक्षान्त समारोहको अध्यक्षता गर्दै हुनुहुन्छ ।
परराष्ट्रमन्त्री थापाले समारोहलाई सम्बोधन गर्नुहुने कार्यक्रम रहेको छ । करिब पाँच वर्षअघि दिल्लीमा स्थापना भएको उक्त विश्वविद्यालयले आज आफ्नो दिक्षान्त समारोहको आयोजना गरिएको हो ।
दिक्षान्त समारोहमा सहभागी हुन उहाँ हिजो भारत प्रस्थान गर्नुभएको हो । यसैबीच परराष्ट्रमन्त्री थापाले आज पनि भारतीय उच्च अधिकारीहरुसँग भेटवार्ता गर्नुहुने कार्यक्रम रहेको छ ।
उहाँले आज भारतीय गृहमन्त्री राजनाथ सिंह सहित सरकारका मन्त्री तथा वरिष्ठ नेताहरुसँग भेटवार्ता गर्ने कार्यक्रम रहेको उहाँका प्रेस सल्लाहकार मोहन श्रेष्ठले जानकारी दिनुभयो ।
उहाँले प्रधानमन्त्री नरेन्द्र मोदी र भारतीय प्रतिपक्षी दल कांग्रेस आइकी अध्यक्ष सोनिया गान्धी लगायतका उच्च अधिकारीसँग पनि भेटवार्ताको तयारी गर्नुभएको श्रेष्ठले बताउनु भयो ।
