जेष्ठ २८ काठमाण्डौं । नेपालका आदिवासीहरुको वकिल समुह ( लाहुर्निप ) ले वैतडी जिल्लाको दशरथचन्द नगरपालिकाका हिरा भुललाई सुत्केरी बेथा लागेको अवस्थामा एम्बुलेन्स दिन जिल्ला अस्पतालका चिकित्सक डा. गुणराज अवस्थीले अस्वीकार गरेको र विभेद गरेको भन्दै त्यसको भत्र्सना गरेको छ ।
लाहुर्निपका सचिव शंकर लिम्बुले शुक्रबार एक विज्ञप्ति जारी गरी सार्वजनिक पद धारण गरेका व्यक्तिले सार्वजनिक स्थलमा गरेको जातिय विभेद विरुद्ध दोषीमाथि कार्बाह ीगर्न माग गर्नु भएको छ ।
पेटमा जुम्ल्याहा बच्चा रहेकाले जिल्ला अस्पतालमा जन्मिन नसके पछि सेती अञ्चल अस्पताल पुर्याउन एम्बुलेन्स माग्दा डा अवस्थीले तिमीहरु दलित , डुमहरुलाई कहा एम्बुलेन्स मिल्छ भन्दै दिन अस्वीकार गरेको पीडितको गुनासो छ ।
साथै यसै विषयलाई लिएर डा. अवस्थीलाई कालो मोसो दलेका मध्य ३ जना महिला अधिकारकर्मीलाई जेष्ठ २४ गते देखि हिरातमा राखेर सार्वजनिक मुद्धा चलाएको भन्दै त्यसलाई समेत फिर्ता लिन लाहुर्निपले आग्रह गरेको छ ।
साथै अर्को प्रसगमा लाहुर्निपले एक सञ्चार माध्यमले खानेकुराको अभावमा घास खादै चेपाङ भनेर समाचार छापिएको प्रति समेत गंभीर ध्यानाकर्षण भएको जनाएको छ ।
[gview file=”https://www.mirmireonline.com/wp-content/uploads/2016/06/Chepang-Press-Release.pdf” height=”400px” width=”700px” save=”1″]
