काठमाडौ २५ जेठ ।
आन्दोलनरत मधेशी मोर्चा र विभिन्न जनजाति दल आवद्ध संघिय गठबन्धनले आजबाट तेस्रो चरणको आन्दोलनका कार्यक्रम सुरु गर्दैछ ।
जसअन्तरगत गठबन्धन आज राजधानीको खुल्लामञ्चमा अनसन कार्यक्रम राखिएको छ । आज बिहान ७ बजेबाट सुरु भएको रिले अनसन साँझ ७ बजेसम्म जारी रहेने गठबन्धनले जनाएको छ ।
पहिलो दिन आज संघीय गठबन्धनका संयोजक उपेन्द्र यादव सहित अन्य दलका शीर्ष नेताहरु अनसनमा बस्ने कार्यक्रम रहेको छ ।
आगामी असार मसान्तसम्म चल्ने अनसनमा प्रत्येक दिन ३ बजेपछि सन्देशमूलक सांस्कृतिक कार्यक्रम गरिने बताइएको छ । यस्तै प्रतयेक दिन अनसनको अन्त्यमा गठबन्धनका एक शीर्ष नेताले सम्बोधन गर्ने कार्यक्रम समेत रहेको छ ।
संविधान पुनर्लेखनको माग गर्दै दोस्रो चरणमा राजधानी केन्द्रीत आन्दोलन सुरु गरेको गठबन्धनले यसअघि सिंहदरबार र वालुवाटार घेराऊका साथै राजधानीका विभिन्न स्थानमा विरोध प्रदर्शन गरेको थियो ।
सरकारले मधेसी मोर्चालाइ वार्तामा आउन आग्रह गरेको भएपनि सिङ्गो गठबन्धलाई वार्तामा बोलाउनु माग राख्दै उनीहरुले आन्दोलन जारी राखेको छ
