काठमाण्डौ ,२४ जेठ ।
नेपाली कांग्रेसका केन्द्रीय सदस्य डा शेखर कोइरालाले कांग्रेसलाई कमजोर बनाएर आफ्नो अभिष्ट पूरा गर्न विदेशी शक्तिहरू लागि परेको आरोप लगाउनु भएको छ ।
नेपाली कांग्रेस वुटवल उपमहानगरपालिका समितिले आज गरेको कार्यक्रममा नेता कोईरालाले केहि बिदेशी शक्तिहरु खुलेरै काग्रेसलाई कमजोर बनाउन अन्य पार्टीका नेतालाई प्रधानमन्त्री बनाउछौ भन्दै खुलेआम लाग्न थालेको बताउनु भयो ।
उहाले काँग्रेस जस्तोसुकै परिस्थिति आएपनि कुनै विदेशी शक्तिको गोटी बनेर सत्तामा कुनै हालतमा नजाने स्पष्ट पार्नुभयो ।
अहिले नेपालका बामपन्थी र विदेशी शक्तिको घाँटी जोडिएकै कारण मुलुक बर्बादीको बाटोमा प्रवेश गरेको उहाले बताउनु भयो ।
सरकार परिवर्तनको खेलमा लागेर कांग्रेसले कुनैपनी गल्ती नगरेको बताउँदै कोईरालाले यस विषयमा आरोप प्रत्यारोपमा नउत्रिन कार्यकर्ताहरूलाई आग्रह समेत गर्नुभयो ।
