काठमाडौ २३ जेठ ।
सत्ता नेतृत्वकर्ता दल नेकपा एमालेको स्थायी कमिटी बैठक आज पनि बस्दैछ । बैठक अपरान्न ४ बजेपछि बालुवाटारस्थित प्रधानमन्त्री निवासमा बोलाइएको छ ।
आजको बैठकमा पछिल्लो राजनितिक अवस्था, पार्टीभित्रको आन्तरिक विवाद र सरकारको निरन्तरताका बिषयमा उठेका टिप्पणीहरुमाथी छलफल हुने सचिव योगेश भट्टराईले जानकारी दिनुभयो ।
यस्तै सरकारको बिषयलाई लिएर पार्टीभित्र देखिएको मत भिन्नता हल गर्ने बिषयमा पनि बैठकमा छलफल हुने बताइएको छ ।
सत्ता सझेदार प्रमुख दल नेकपा माओवादी केन्द्रले सरकार परिवर्तनको विषय उठाइरहेका बेला दलभित्रैबाट पनि मतान्तर देखिएकाले त्यसमा साझा धारणा बनाइने भट्टराईले बताउनु भयो ।
हिजोदेखी शुरु बैठकमा संविधानको कार्यान्वयनका साथै राष्ट्रिय स्वाधिनताको रक्षाका लागी पार्टीको आगामी रणनीतिबारे नेताहरुले आफ्नो धारणा राख्ने क्रम जारी छ ।
