काठमाण्डौ? २१ जेठ । श्रमजिवी ट्रेड युनियन महासंघ नेपालले मजदुरहरुको समस्या तथा हकहितका लागि दृढताका साथ अघि बढ्ने प्रतिवद्धता जनाएको छ ।
संगठनको हालै राजधानीमा सम्पन्न दोस्रो राष्ट्रिय सम्मेलन तथा भेलाले गरेका निर्णय सार्वजनिक गर्दै श्रमिकको उत्थानमा लाग्ने बताएको हो ।
संगठनका अध्यक्ष रामबहादुर तामाङले आज प्रेस विज्ञप्ति जारी गर्दै देशमा श्रमिक मजदुरको शोषणको अन्त्य गरि उनीहरुको जीवन सुखि र सम्पन्नतातर्फ लैजान आफुहरु लागि पर्ने प्रतिवद्धता व्यक्त गर्नुभयो ।
उहाँले मुलुक मजदुरहरुको रगत र पसिनाबाट सिंञ्चएको भन्दै मजदुरको योगदानलाई सरकारले भुलेको धारणा राख्नुभएको छ ।
संगठनको जेठ १५ देखि १६ गतेसम्म चलेको दोस्रो राष्ट्रिय सम्मेलन तथा भेलाले तामाङकै अध्यक्षतामा ३५ सदस्यीय नयाँ केन्द्रिय समिती चयन गरेको थियो । यस्तै भेलाले ६ सदस्यीय केन्द्रिय सल्लाहकार समिती समेत गठन गरेको थियो ।
