काठमाडौ, २२ जेठ ।
व्यवस्थापिका संसदको बैठक आज पनि बस्दैछ । अपरान्न ३ बजे नयाँबानेश्वरस्थित संसद भवनमा बस्ने बैठकमा केही महत्वपूर्ण विधेयकमाथि छलफल गर्ने कार्यसुची छ ।
आजको बैठकमा यसअघि नै संसदमा पेश भएको शिक्षा सम्बन्धी विधेयकमाथि छलफल गरी पारित गराउने तयारी भएको संसद सचिवालयका सहयक प्रवक्त सुदर्शन कुँइकेलले जानकारी दिनुभयो ।
यस्तै आजको बैठकमा संसदीय सुनुवाई नियमावली मस्यौदाको विधेयकमाथि छलफल गर्ने सम्भवना समेत रहेको जनाएको छ ।
यद्यपी नियमावली सुनुनवाई संख्यमा दलहरुबीच कुरा मिल्न बाँकी रहेकाले आजको बैठकमा नियमावली मस्यौदा माथि छलफल हुने या नहुने भन्नेमा टुङ्गो लाग्न भने बाँकी रहेको प्रवक्त कुँइकेलले बताउनु भयो ।
यस विषयमा टुङ्गो लगाउन संसद बैठकअघि सचिवालयको बैठक बसी टुङ्गोमा पुगिने जनाएको छ । यसअघि हिजोको बैठकमा बजेटका विषयमा सांसदहरुले उठाएका प्रशनको अर्थमन्त्री विष्णु पौडेलले जवाफ दिनुभएको थियो ।
