काठमाण्डौ ,२० जेठ ।
ब्यावस्थापिका संसद बैठकमा आज पनि बजेटमाथिको सैद्धान्तिक छलफल जारी रहनेछ ।
बिहान ११ बजे बस्ने बैठकमा बोल्न नाम टिपाएका सांसदहरुले आगामी आर्थिक बर्षको राजस्व तथा ब्ययमाथि धारणा राख्नेछन् ।
संसद सचिवालयले बजेटमाथिको छलफल टुङग्याउने तयारी गरेको छ । संसद बैठक बस्नु अघि कार्यब्यावस्था परामर्श समितिले सो बिषयमा छलफल गरि टुङग्याउने तयारी भएको संसदका सह प्रवत्ता सुदर्शन कुईकेलले जानकारी दिनुभयो ।
सचिवालयले आज सम्म छलफलका लागी समय निर्धारण गरेको भएपनि प्रतिपक्षी काग्रेसको अबरोधका कारण एक दिन पछि मात्रै छलफल सुरु भएको थियो । दलहरुबीच पनि पहिलोदिनको छलफल प्रभावित भएकाले समय लम्ब्याउने बिषयमा परामर्श भईरहेको बताईएको छ ।
बजेटमाथिको सैद्धान्तिक छलफलका क्रममा सांसदहरुले धारणा राखिसकेपछि उठेका प्रश्नको भोली अर्थमन्त्री विष्णु पौडेलले जवाफ दिनु हुनेछ ।
