काठमाण्डौ ,१५ जेठ ।
महेन्द्रनगर, धनगढी, जनकपुर, लगायतका सहरमा ढलदेखि मनोरन्जक पार्क समेत छनोट गरी शहर बनाइने र त्यसका लागी प्रत्येकले ५० करोड पाउने जनाईएको छ ।
जनता आवास कार्यक्रम अन्तरगत २० हजार परिवारका लागि आवास निर्माणका लागि १ अर्ब ७२ करोड वजेट विनियोजन गरिएको छ । हुलाकी राजमार्ग आसपासका स्थानमा १० शहर बनाउन १ अर्ब ४ करोड रुपैया छुट्याईएको छ ।
पालुङटारलाई केन्द्र मानेर स्मार्ट सिटी गुरुयोजना बनाइने लक्ष सहित भौतिक निर्माणको काम थालिने जनाईएको छ ।
७० नया नगरपालिकाको विकासका लागि २१ करोड विनियोजन गरिएको छ । साथै थप ३ वटा महानगरपालिका घोषणा गर्न तयारी थालिने छ । भक्तपुरलाई सांस्कृतिक शहरका रुपमा विकास गरिनेछ ।
भवन संहितालाई परिमार्जन गरिनेछ । यो नमान्नेलाई खानेपानी, ढल टेलिफोन, लगायत ससुविधा नदिने व्यावस्था गरिएको छ ।
राष्ट्रपति, उपराष्ट्रपति, सिंहदवार, सैनिक मुख्यालयको निर्माण आगामी आर्थिक बर्षबाटै सुरु गरिने जनाईएको छ । बाढी पहिरोको जोखिममा रहेका वस्तीलाई स्थानान्तरण गर्ने तथा काठमाडौं बाग्मती संग्राहलय स्थापना गरिने जनाईएको छ ।
लुम्बिनीमा ५ हजार मानिस अट्ने सभा भवन बनाइने पनि वजेटमा उल्लेख छ ।
यस्तै भन्सार छुट पाएका गाडिमा अलगै नम्बर प्लेटको व्यवस्था गरि ट्याक्सीमा डिजिटल अनिवार्य गरिने भएको छ ।
लाइसेन्स र सवारी धनी कार्ड ५ वर्ष्भित्र स्मार्ट कार्डमा रुपान्तरण गरिने लक्ष छ । ५ वर्ष भित्र सवारीमा इम्बोस्ड नम्बर प्लेट, स्मार्ट, लाइसेन्स र ब्लुबुकल लागू गरिसक्ने वजेटमा उल्लेख गरिएको छ ।
