भक्तपुर, १२ जेठ ।
नेपाली काँग्रेसकी नेतृ सुजाता कोइरालाले तत्काल सरकार परिवर्तन सबैका लागि घातक सावित हुने बताउनु भएको छ ।
रफत सञ्चार क्लबले आयोजना गरेको साक्षात्कार कार्यक्रममा बोल्दै नेतृ कोईरालाले केपी ओली नेतृत्वको सरकारले लिएको आर्थिक, सामाजिक विकासको योजना नेपाल र नेपालीको हितमा भएको धारणा राख्नुभयो ।
उहाँले तत्काल सरकार परिवर्तन गरिए विकासको बाटाहरु बन्द हुने भएकाले सरकार परिवर्तनको खेलमा नलाग्न आग्रह गर्नुभयो ।
कोइरालाले स्थानिय निकायको निर्वाचन गर्ने मिति सरकारले तोकेता पनि एमालेले नचाहेको भन्दै यदि एमालेले स्थानिय निकायको निर्वाचनको तयारी गर्ने भए प्रतिपक्ष काँग्रेसलाई छलफलमा बोलाउनु पर्ने तर त्यसो नभएको उहाँले बताउनु भयो ।
स्थानिय निकायको निर्वाचन हुन नसक्दा जताततै भ्रष्टाचार मौलाएकाले समेत स्थानिय निकायका निर्वाचन सबैको आवश्यकता रहेको उहाँको टिप्पणी छ ।
प्राधिकरणका काम सुस्त गतिमा भएको गुनासो गर्दैै बर्खाको समयमा भुकम्पपिडितहरुका लागि केहि गर्न नसक्दा नकारात्मक असर पार्ने भएकाले सरकारले पूनर्निर्माणको कामलाई तिब्रता दिन नेपाली सेना लगायत अन्य युवा दस्ताहरुलाई स्वयम सेवकका रुपमा परिचालन गर्न सक्नु पर्ने कोइरालाले बताउनु भयो ।
