काठमाडौ ९ जेठ ।
हालै मात्र एकिकरण भएको नेकपा माओवादी केन्द्र महाधिवेशन समितिको बैठक आज बस्दैछ । बैठक राजधानीको बत्तिसपुतली स्थित अनुपम पार्टी प्यालेसमा दिउँसो १ बजेका लागि बोलाइएको छ ।
पार्टी एकिकरणपछि पहिलो पटक बस्न लागेको बैठकले पदाधिकरण चयन सहित पार्टी सचिवालय गठन गर्दै नेताहरुको कार्यविभाजन गर्ने वनमन्त्री समेत रहनु भएका पार्टी नेता अग्नी सापकोटाले जानकारी दिनुभयो ।
आजको बैठकले केन्द्रीय सदस्यलाई पूर्णता दिने तयारी समेत भएको सापकोटाले बताउनु भयो । गत जेठ ६ गते एकिकृत माओवादी सहित १० माओवादी घटकबीच एकता भएपछि केन्द्रिय समिति ६ सय ९९ सय सदस्यीय हुने घोषणा गरिएको थियो ।
एकता सँगै जम्बो केन्द्रिय कार्यसमिति बनेपछि पार्टी कार्यलय कोटेश्वरमा ठाउँ अभाव भएपछि पार्टी प्यालेसमा बैठक बोलाएको हो ।
बैठकमा आगामी मंसिरमा हुने स्थानीय निर्वाचनमा प्रतिस्पर्धा गर्न सक्षम पार्टी बनाउन केन्द्रीय सदस्यहरुलाई गाउँ परिचालन गर्ने सम्बन्धमा समेत छलफल हुने बताइएको छ ।
