काठमाडौ ७ जेठ ।
नेपाली काँग्रेसका महामन्त्री डा शशांक कोइरालाले धर्मनिरापेक्ष राष्ट्र, प्रदेशको सीमांकन लगायतका विषय हेरफेर गर्नुपर्ने बताउनु भएको छ ।
रिपोर्टर्स क्लब दाङले आज बिहान आयोजना गरेको साक्षात्कार कार्यक्रममा बोल्दै उहाँले जनचहाना अनुसार सबै विषय परिवर्तन गर्न सकिने बताउनु भयो ।
नेपालमा ८० प्रतिशत जनता हिन्दु रहेको दावी गर्दै उहाँले संविधानमा उल्लेख भएको धर्मनिरपेक्ष राष्ट्र हटाउनु पर्ने धारणा राख्नु भएको छ ।
अतिवादी शक्ति विभिन्न बहानामा अस्थिरता निम्त्याउन लागेको भन्दै त्यसो हुन नदिन पनि बेलैमा समस्याको समाधान गर्न दलहरु लाग्नुपर्ने उहाँको तर्क छ ।
यस्तै उहाँले वर्तमान सरकार अब धेरै दिन टिक्न नसक्ने दाबी समेत गर्नुभएको छ । काँग्रेस सरकार गिराउने खेलमा नलाग्ने भन्दै उहाँले रचनात्मक प्रतिपक्षको भूमिका आफूहरुले खेल्ने जिकिर गर्नुभयो ।
