जेष्ठ ७ काठमाण्डौं ।
विप्लव नेतृत्वको नेकपा माओवादीले आज राजधानीमा शक्ति प्रदर्शन गर्दैछ । वेपत्ता योद्धा दिवसको अवसरमा राजधानीमा शक्ति प्रदर्शन सहित जनसभाको आयोजना गरेको प्रवत्ता खड्कबहादुर बिश्वकर्मा प्रकाण्डले जानकारी दिनुभयो ।
शिर्ष नेताहरुको नेतृत्वमा राजधानीका विभिन्न स्थानबाट सुरु भएको र्याली खुलामन्च पुगेर अहिले सभामा परिणत भएको हाम्रा सहकर्मी सिर्जना तिम्सिनाले जानकारी दिनु भएको छ ।
सभालाई पार्टी महासचिव बिप्लवसहित शिर्षस्थ नेताहरुले सम्बोधन गर्ने कार्यक्रम रहेको छ । सो क्रममा महासचिव बिप्लवले पार्टीको नीति तथा कार्यक्रमका बारेमा समेत जानकारी गराउनु हुनेछ ।
प्रदर्शनका लागि देशका विभिन्न जिल्लाबाट कार्यकर्ताहरु राजधानीमा आइपुगेका छन् । प्रदर्शनमा सहभागी समर्थक र कार्यकर्ताहरुले क्रान्तिको प्रतिक रातो क्याप लगाएका छन् ।
प्रचण्ड सहित राम बहादुर थापा, मात्रिका यादव, मणि थापा सहितका नेताहरुले माओवादी एकता भन्दै सामुहिक रुपमा हात उठाएको भोलिपल्ट नेता चन्द नेतृत्वको माओवादी शत्ति प्रदर्शन सहित आफ्नो पार्टीको नीति कार्यक्रम सार्वजनिक गर्न लागेको हो ।
