काडमाडौं ,७ जेठ ।
कालिकोटको कोटवडा– ६ को गेज बजारमा भारी वर्षासँगै आएको पहिरोमा परि तीन जनाको मृत्यु भएको छ । अन्य चार जना बेपत्ता भएका छन् ।
पहिरोमा पुरिएर सिउना गाविस २ की धनमति टमटा, सिउना ५ का हिरा तिरुवा र धौलागोह ९ का लक्ष्मण भण्डारीको मृत्यु भएको प्रहरीले जनाएको छ ।
यसैगरी सिउनाका संजिते टमाटा, सोही गाविसका ४ बर्षीय सदिष्मा बम, रकु गाविस १ का ५२ बर्षिय मनिराम जैशी र बाजुरा घर भएका अजय सार्कीका दुई बर्षिय छोरा बेपत्ता भएका छन् ।उनीहरुको खोजी कार्य जारी रहेको छ ।
गएराति वर्षाका कारण कालिकोटको कोटवाडा गाविसमा पर्ने गजबजार र लालिघाटमा पहिरो जादा सय बढी घर पुरिएको जनाईएको छ ।
बाढी र पहिरोमा परी अन्य ८ जना घाइते रहेको प्रमुख जिल्ला अधिकारी प्रदिप श्रेष्ठले जानकारी दिनुभयो । घाइतेलाई उपचारको लागि कालिकोट स्थिति जिल्ला अस्पताल ल्याएको छ ।
एक्कासी ठूलो मात्रामा परेको अविरल वर्षापछि आएको बाढीमा ५० करोड भन्दा बढीको क्षति भएको अनुमान गरिएको छ ।
घटनास्थलमा प्रहरी ,सेना तथा स्थानीयबासीको सहयोमा अहिले उद्धार तथ खोजी कार्य जारी रहेको छ ।
