काठमाण्डौ ४ जेठ ।
सरकारले आयोजना गर्न लागेको अन्तर्रा्ष्ट्रिय बौद्ध सम्मेलनमा २३ मुलुकको सहभागीता रहने भएको छ । गौतम बुद्धको २५६०औ जन्मोत्सवको अवसर पारेर सम्मेलन आयोजन गर्न लागिएको हो ।
सम्मेलनमा भाग लिन श्रीलंका र थाइल्यान्डका पर्यटनमन्त्री आउने निश्चित भएको छ । भारतबाट पाँच जनाको सरकारी डेलिगेटस् आउने भारतीय राजदूतावासबाट जानकारी आएको चीनबाट चिनियाँ बुद्धिस्ट एशोसियसनको उपाध्यक्ष सहित उहाँको नेतृत्वमा २६ जना भिक्षुहरु आउन लागेको पर्यटनमन्त्री आदनन्दप्रसाद पोखरेलले बताउनुभयो । तर, दूतावासले सम्मेलनमा आउने टोलीको नाम भने खुलाएको छैन ।
लिथवानियाबाट समेत डेलिगेटस् आउन लागेको मन्त्री पोखरेलले बताए । उहाँका अनुसार रोमानियाका पूर्व राष्ट्रपति र टर्कीका पूर्वमन्त्री पनि सम्मेलनमा भाग लिन नेपाल आएका छन् ।
सरकारले जेठ ६ र ७ गते काठमाडौंमा अन्तर्रा्ष्ट्रिय बौद्ध सम्मेलन गर्दैछ । वैशाख ८ गते लुम्बिनीमा भव्य बुद्धजयन्ती समारोह हुनेछ । बुद्ध दर्शनको उत्पत्ती लुम्बिनीमा भएको विश्वभर प्रचार प्रसार गर्नु समारोहको मुख्य उद्देश्य रहेको छ ।
