रसुवा, ४ जेठ ।
रसुवाका भूकम्प पीडितका लागि आजदेखि सामूहिक आवास निर्माणको काम सुरु हुँदैछ ।
जेठ महिनाभित्रै पीडितलाई सुरक्षित आवासमा ल्याउने सरकारको योजना अनुसार रसुवामा सामूहिक आवास निर्माणको काम सुरू हुन लागेको हो ।
शहरी विकास तथा भवन निमार्ण विभाग डिभिजन कार्यलय रसुवाका प्रमुख राजेन्द्र खतिवडाको नेतृत्वमा स्थानीय राजनीतिक दलका प्रमुख एंव प्रतिनिधिसहित प्राविधिक टोली आजदेखि गाउँ खटिने भएका छन् ।
प्राविधिक टोलीले सुरक्षित स्थान पहिचान गरी सार्वजनिक जग्गामा सामूहिक आवास निमार्णका लागि १० दिनभित्र टेन्डर आह्वान गरेर काम सुरू गर्ने डिभिजन कार्यलय रसुवाले जनाएको छ ।
स्याफ्रु गाविसको गाविस भवन क्षेत्र र धुन्चेको चरन क्षेत्रमा जग्गा प्राप्त भइसकेको छ ।
लहरेपौवाको वोगटीटार, सातविसे, लामाटोलमा बसोबास गरिरहेकाहरूको लागि जग्गा प्राप्तिको लागि अध्ययन थालिने भवन डिभिजन प्रमुख खतिवडाले वताउनुभयो ।
