काठमाडौ ,३ जेठ ।
संवैधानिक व्यवस्था अनुसार संसदिय सुनुवाई समितिमा सदस्य संख्य राख्ने या नराख्ने विषयमा देखिएको विवाद समाधानका लागि सत्तारुढ र प्रमुख प्रतिपक्षी दलहरुबीच आज पनि छलफल हुदैछ ।
व्यवस्थापिका संसद सन्चालन नियमावलीको मस्यौदामा संशोधन प्रस्ताव दर्ता गर्नुअघि दलहरुबीच अन्तिम छलफल हुन लागेको हो । प्रधानमन्त्री केपी शर्मा ओलीले आज कांग्रेस सभापति शेरबहाुदर देउवासँग आज छलफल गर्दै हुनुहन्छ ।
संसद सन्चालन नियमावली मस्यौदा समितिले संसदमा पेश गरेको प्रतिवेदमाथि संशोधन प्रस्ताव दर्ता गराउने समय आज अपरान्न ३ बजेसम्मका लागि तोकिएको छ ।
संशोधन प्रस्ताव दर्ता गरेपनि आगामी जेठ १३ गते बस्ने संसद बैठक अघि सम्म दलहरुबीच सहमतिको प्रयास जारी रहने एमालेका प्रमुख सचेतक भानुभक्त ढकालले जानकारी दिनुभयो ।
एमाले, एकिकृत नेकपा माओवादी लगायतका सत्तारुढ दलहरुले १५ सदस्यीय सुनुवाई समिति हुनुपर्ने बताउदै आएका छन् भने कांग्रेस पुरानै संरचना कायम हुनुपर्ने अडानमा छ ।
१५ सदस्यीय सुनुवाई समिति, संवैधानिक निकायमा पदाधिकारी तथा राजदुतका लागि प्रस्तावित नाम अस्वीकृत गर्न समितिको दुई तिहाइ मत आवश्यक पर्ने प्रवधान रहने गरी संशोधन प्रस्ताव दर्ता गराउने सत्तारुढ दलको तयारी छ ।
