काठमाडौ ३ जेठ ।
नेकपा एमालेले आज विभिन्न कार्यक्रमका आयोजना गरी मदन भण्डारी स्मृति दिवस मनाउदै छन् । दिवसका अवसरमा प्रधानमन्त्री केपी ओलीले आज बिहान बल्खुस्थित पुरानो पार्टी कार्यलयमा रहेको उहाँको शालिकमा माल्र्यापण गर्नुभएको छ ।
२०५० साल जेठ ३ गते दासढुंगामा भएको जिप दुर्घटनामा तत्कालिन पार्टी महासचिव भण्डारी र अर्का नेता जीवराज आश्रितको मृत्यु भएको आज २३ वर्ष पूरा भएको छ ।
पोखरामा भएको एमालेको जिल्ला अधिबेशन सकेर चितवनमा अखिल नेपाल महिला संघको भेलामा आउदै गर्दा भण्डारी र आश्रित चढेको जीप दास ढुङ्गामा रहस्यमय दुर्घटनामा परेको हो ।
रहस्यमय मानिने दुर्घटनाबारे अहिलेसम्म भएका छानवीनले कुनै तथ्य निकाल्न सकेका छैनन् । दुर्घटनाका साक्षी एवं जीप चालक अमर लामाको समेत हत्या भएपछि दुर्घटना अझै रहस्यमय बन्न पुगेको छ ।
दिवसका अवसरमा एमाले दिउँसो राजधानीको जमलस्थित नाचघरमा विचार गोष्ठीको आयोजना समेत गरेको छ । भण्डारीले जनताको बहुदलीय जनवादको अवधारणा ल्याउनु भएको थियो ।
भण्डारीका विश्लेषण, दस्तावेज, राजनीतिक तथा सैद्धान्तिक प्रस्तावनाहरु अहिले पनि उत्तिकै सान्दर्भिक मानिन्छन् ।
