काठमाण्डौ ,२ जेठ ।
डा. बाबुराम भट्टराई नेतृत्वको नयाँ शक्तिले संघीय गठवन्धनको आन्दोलनको समर्थन गरेको छ ।
मधेसी मोर्चासहितको गठवन्धनले आज सिंहदरवार घेराउ गरिरहेको छ । पूर्व प्रधानमन्त्री समेत रहेका नयाँ शक्तिका संयोजक भट्टराईले आज विज्ञप्ति जारी गरि पहिचान र अधिकारको सवालमा मधेसी र जनजाति समुदायले उठाएका मागहरु जायज भएको भन्दै समर्थन गर्नुभएको छ ।
विज्ञप्तीमा भनिएको छ , आन्दानेलनरत समुदायको जायज मागप्रति नयाँ शक्ति नेपाल समर्थन गर्छ, साथै उनीहरुको आन्दोलनप्रति ऐक्यवद्धता समेत प्रकट गरेको छ ।’
संविधान जारी भएको लामो समय हुँदा पनि उत्पीडित जनताले संविधानलाई आत्मसाथ गर्न नसक्नु र सहज ढंगले संविधान कार्यान्वयन हुन नसक्नु दुःख भएको नयाँ शक्तिले जनाएको छ ।
आन्दोलनरत समुदायको माग सम्बोधन गरी संविधानलाई सर्वस्वीकार्य बनाउनुको विकल्प नभएको भट्टराईले बताए । साथै आन्दोलनरत समुदायको माग सम्बोधन गरी राष्ट्रिय समस्याको समाधान गर्न सरकार र दलहरुलाई आग्रह गरेका छन् ।
दलहरुनै संघीयता कार्यन्वयनमा प्रष्ट नभएको शशांकको भनाई
