काठमाडौ १ जेठ ।
आन्दोलनरत मधेशी मोर्चा र विभिन्न जनजाति दल आवद्ध संघिय गठबन्धनले आजबाट सिंहदरबार केन्द्रित आन्दोलन सुरु गर्दैछ ।
संविधानप्रति असन्तुष्टी जनाउदै मधेशमा ६ महिना लामो आन्दोलन गरेको मधेशी मोर्चाले जातिय तथा विभिन्न क्षेत्रिय दलहरुसँगको सहकार्यमा आजबाट राजधानी केन्द्रित आन्दोलन गर्न लागेको हो ।
पूर्व घोषित कार्यक्रम अनुसार आज अपरान्न राजधानीमा प्रदर्शन गर्ने तयारी गरेको छ । शान्तिबाटिकाबाट अपरान्न ३ बजे सुरु हुने र्याली भद्रकाली, न्युरोड, अशन हुदै ठमेल स्थित सन्चयकोषको भवन अगाडि पुगेर सभामा परिणत हुने गठबन्धनले जनाएको छ ।
प्रदर्शनमा गठबन्धन आवद्ध दलका नेता तथा कार्यकर्ता सहभागी हुने बताइएको छ । आफुहरुको आन्दोलन शान्तिपूर्ण र अहिंसात्मक हुने पनि गठबन्धनले दाबी गरेको छ ।
घोषित कार्यक्रम अनुसार गठबन्धनले भोली सिंहदरबार घेराउ गर्ने तयारी गरेको छ ।
