काठमाण्डौ ,३१ वैशाख । संघीय गठबन्धनले भोलीदेखि काठमाडौंमा जनप्रदर्शन र सिंहदरबार घेराउ गर्दै छ । भोली दिउँसो तीन बजे शान्तिबाटीका र रत्नपार्क क्षेत्रमा जनप्रदर्शन गर्ने पर्सि वाट भने सिंहदरबार घेराउको कार्यक्रम छ ।
मधेसी मोर्चाका संयोजक उपेन्द्र यादवले गठबन्धनले काठमाडौंमा गर्न लागिएको जनप्रदर्शन र सिंहदरबार घेराउको कार्यक्रममा दमन गर्न खोजिए गृहयुद्ध निम्तिने चेतावनी दिनुभएकोे छ ।
उक्त कार्यक्रमलाई लक्षित गर्दै सरकारले सुरक्षा व्यवस्था भने कडा पारेको छ ।
आज आयोजित पत्रकार सम्मेलनमा वोल्नु हुदै मधेसी मोर्चाका संयोजक उपेन्द्र यादवले राज्यले आतंक सिर्जना गर्न खोजेको छ ।
यदि दमन गरेमा गृहयुद्ध निम्तिन सक्छ, आन्दोलन दबाउन सेना परिचालन गर्न खोजेको भन्ने पनि सुनेको छु । हाम्रो सेना भनेको जनता हो, त्यसको जवाफ जनताले दिन्छन् ।
सरकारले मधेसी मोर्चालाई फुटाउन खोजेको भन्दै उहाँले आरोप लगाउनुभयो । सरकारसँग विगतमा पटक पटक वार्ता भएपनि सरकारले माग सम्बोधनका लागि चासो नदिएकाले फेरि वार्ता गर्नुको औचित्य नभएको यादवले बताउनुभयो ।
