काठमाण्डौ, ३० बैशाख ।
सरकारको आगामी नीति तथा कार्यक्रम संसदबाट पारित भएको छ । निती तथा कार्यक्रमाथी संसदमा उठेका प्रश्नहरुको पं्रधानमन्त्रि केपी शर्मा ओलीले आज जवाफ दिएसंगै सदस्यहरुको बहुमतले पारित भएको हो ।
जवाफका क्रममा प्रधानमन्त्री ओलीले वर्तमान सरकार अर्को प्रतिनिधिसभाको निर्वाचनसम्म रहने दाबी गर्नुभएको छ । उहाँले कसैले टिका–टिप्पणी गर्दैमा सरकार नहट्ने बताउनुभयो ।
संविधानले संसदको अवधि ७४ माघ ७ सम्मका लागि भनेकाले सरकार अनन्तकालका लागि नहुने र आवधिक निर्वाचन गरिने उहाँको भनाई छ ।
आफ्नो सरकारलाई ‘म्यादी’ भनेकामा टिप्पणी गर्दै प्रधानमन्त्री ओलीले ‘लोकतन्त्रमा समय समयमा निर्वाचनका लागि जनतामा जानुपर्ने र आवश्यक परे सरकारले संसदसमेत परिवर्तन गर्नसक्ने भएपनि सबैले स्थिरतामै जोड दिनुपर्छ’ भन्नुभयो,
नीति तथा कार्यक्रम देश बनाउने आकांक्षा र विकासको सोचकासाथ ल्याइएको जिकिर गर्दैै ओलीले सरकारकोे नीति तथा कार्यक्रमलाई ‘कर्मकान्डी’ भयो भनेर टिप्पणी गरिएकामा आक्रोश पोख्नुभयो ।
अदालतमा राजनीतिक हस्तक्षेप भएको भन्ने विपक्षीको आरोप अस्वीकार गर्दै ओलीले विगतमा जस्तै भागबन्डा भएन र आफ्नो भागबाट कोही परेनन् भनेको त होइन भनेर कांग्रेसलाई प्रश्न गर्नुभयो ।
चुनावका लागि आवश्यक कानुनी र भौतिक पूर्वाधारको तयारीमा सरकार लागेको प्रस्ट गर्दै उहाँले स्थानीय तहको पुनःसंरचना गर्न केही समय लाग्ने भएकाले सरकार निर्वाचन गर्ने निर्णयमा पुगेको बताउनुभयो ।
काठमाडौं–निजगढ द्रुतमार्ग निर्माणमा प्रविधि र स्रोत दुबै हिसाबले सरकार समक्ष रहेको बताउँदै संसदको अर्थ समिति र विकास समितिले दिएको निर्देशनलाई सम्मान गर्दै द्रुतमार्ग आफैंले निर्माण गर्ने प्रस्ताव गरिएको उहाँको भनाई छ ।
संसद बैठक आगामी जेठ १३ गतेसम्मका लागी स्थगित भएको छ । नीति तथा कार्यक्रम पारित भएसंगै आगामी आर्थिक वर्षको बजेट जेठ १५ गते ल्याउने तयारी सरकारको छ ।
