काठमाडौ ३१ वैशाख ।
व्यवस्थापिका संसदमा सरकारले पेश गरेको आगामी आर्थिक वर्षको नीति तथा कार्यक्रम आज पारित गराउने तयारी भएको छ ।
संसदमा निति तथा कार्यक्रममाथिको छलफलका क्रममा उठेका प्रश्नको प्रधानमन्त्रीमन्त्री केपी शर्मा ओलीले जवाफ दिनुभएपछि पारित गराउने तयारी भएको संसद सचिवालयले जनाएको छ ।
गत आइतबार सरकारका तर्फबाट राष्ट्रपति विद्यादेवी भण्डारीले आगामी आर्थिक वर्षको नीति तथा कार्यक्रम पेश गर्नुभएको थियो । नीति तथा कार्यक्रममाथि हिजोसम्म छलफल सक्ने तयारी भएपनि अझै केही सांसदले बोल्न नाम टिपाएका छन् ।
आजको बैठकमा बोल्न बाँकी रहेका सांसदले आफ्नो धारणा राखिसकेपछि प्रधानमन्त्री ओलीले जवाफ दिने कार्यसुची रहेको संसद सचिवालयका सहयक प्रवक्ता सुदर्शन कुँइकेलले जानकारी दिनुभयो ।
नीति तथा कार्यक्रम संसदबाट पारित भएपछि जेठ १५ गते आगामी आर्थिक वर्षको बजेट सार्वजनिक गर्ने सरकारको तयारी छ ।
