काठमाडौ,२९ वैशाख ।
लागूऔषध नियन्त्रण ब्युरोले काठमाडौंको वीर अस्पता वरिपरिका विभिन्न औषधि पसलहरुमा छापा मारेर अवैध रुपमा विक्री गर्न राखिएको नियन्त्रित लागूऔषध बरामद गरेको छ ।
प्रहरीको लागूऔषध नियन्त्रण ब्यूरो र औषधि विभागको संयुक्त टोलीले वीर अस्पताल नजिकै महावैद्धमा रहेका आयुष फर्मा, सन्तोष फर्मा, सत्यम फर्मा र आरफ फर्माबाट नियन्त्रित लागूऔषध बरामद गरेको छ ।
आयुष फर्माबाट मफिर्मस्लुपाथ १ सय ५२ बोतल, डाइजेपाम, क्लोनाजपाम १९ सय ८४ ट्याब्लेट लगायतका नियन्त्रित लागूऔषध करिब ६ हजार थान बरामद गरिएको छ ।
त्यस्तै सन्तोष फर्मा बाट करिब ६५ सय ट्याब्लेट तथा झोल, सत्यम फर्माबाट नियन्त्रित लागूऔषध कोडो ट्याब २ सय ६ थान बरामद गरेको छ ।
छामा मारिएको औषधि पसलहरुबाट नियन्त्रित लागूऔषध १५ हजार थान भन्दा बढी बरामद गरिएको ब्युरोले जनाएको छ ।
ब्यूरोको टोलीले छापा मारिएको औषधि पसलका संचालकहरुलाई पनि नियन्त्रणमा लिए कारवाही प्रक्रिया अगाडि बढाएको छ ।
उनीहरुले नियन्त्रित लागूऔषधहरुको कुनै लगत नराखी विक्री गरेको र त्यस्ता लागूऔषध डाक्टरको स्वीकृतिमा मात्रै विक्रि गर्न पाइने भए पनि व्यवसायीहरुले अवैध रुपमा विक्री गर्ने गरेको भेटिएको ब्यूरोले जनाएको छ ।
