काठमाडौ २९ वैशाख ।
व्यवस्थापिका संसदमा आजपनि सरकारले पेश गरेको निति तथा कार्यक्रममाथि छलफल हुदैछ ।
निति तथा कार्यक्रम तथा त्यसमाथि परेका संशोधन प्रस्तावमाथि बिहान ११ बजेबाट छलफल सुरु हुने संसद सचिवालयका सहयक प्रवक्ता सुदर्शन कुँइकेलले जानकारी दिनुभयो ।
नीति तथा कार्यक्रममाथि विभिन्न दलहरुले दुई दर्जन बढी संशोधन प्रस्ताव दर्ता गराएका छन् । हिजोबाट सुरु भएको निति तथा कार्यक्रममाथिको छलफल भोलीसम्म चल्ने संसद सचिवालयले जनाएको छ ।
निति तथा कार्यक्रममाथि उठेका प्रश्नको प्रधानमन्त्री केपी शर्मा ओलीले आगामी वैशाख ३१ गते जवाफ दिनुहुने कार्यतालिका रहेको छ । निति तथा कार्यक्रममा आधारित रहेर सरकारले आगामी जेठ १५ गते बजेट ल्याउनेछ ।
यसैबीच, वर्षे अधिवेश सुरु भएदेखि नै संसद बैठक बहिस्कार गर्दै आएको आन्दोलनरत मधेशी मोर्चा तथा विभिन्न जनजाति दल आवद्ध संघीय गठबन्धनले आज पनि त्यसलाई निरन्तरता दिने जनाएको छ ।
