वैशाख २७, काठमाडौं ।

सरकारले आइतबार व्यवस्थापिका–संसदमा प्रस्तुत् गरेको नीति तथा कार्यक्रममाथि विभिन्न दलहरुले दुई दर्जन बढी संशोधन दर्ता गराएका छन् ।
संशोधन प्रस्तावका लागि सोमबार अपराह्न ४ बजेसम्मको समय दिइएकोमा नेपाली कांग्रेसको तर्फबाट १६ ओटा, नेपाल मजदुर किसान पार्टीबाट १० र खुम्बुवान पार्टीबाट एउटा संशोधन प्रस्ताव दर्ता गराएको संसद सचिवालयका सहप्रवक्ता सुदर्शन कुइकेलले जानकारी दिनुभयो ।

नेपाली कंग्रेसका सांसद रमेश लेखक , नेमकिपाका प्रेम सुवाल र अनुराधा थापा मगरले तथा राष्ट्रिय खम्वुवान मोर्चाका रामकुमार राईले संसोधन दर्ता गराउनुभएको हो ।

नीति तथा कार्यक्रममाथि भोलिबाट व्यवस्थापिका–संसदमा छलफल हुँदैछ ।नीति तथा कार्यक्रममाथि मंगलबार र बुधबार संसदमा छलफल गर्ने कार्यसूची तय गरिएको छ ।

राष्ट्रपति विद्यादेवी भण्डारीले आइतबार संसदमा सरकारको नीति तथा कार्यक्रम पेश गर्नुभएको थियो । मंगलबारदेखि छलफल हुने नीति तथा कार्यक्रम माथि ३० गते धन्यवाद प्रस्तावसहित पारित गर्ने कार्यतालिका रहेको छ ।

नीति तथा कार्यक्रममाथि सांसदले बोल्नेक्रम सकिएलगत्तै उठेको जिज्ञासा र प्रश्नको प्रधानमन्त्री केपी शर्मा ओलीले जवाफ हुने कार्यक्रम रहेको संसद सचिवालयले जनाएको छ । नीति तथा कार्यक्रमका आधारमा जेठ १५ मा बजेट ल्याउने तयारी सरकारले गरेको छ ।

यसमा तपाइको प्रतिक्रिया

सम्बन्धित समाचार