काठमाडौ ,२७ वैशाख ।
नेपाली कांग्रेसका नेता प्रकाशमान सिंहले सरकारको नीति तथा कार्यक्रम चुनावी घोषणापत्र जस्तो भएको टिप्पणी गर्नुभएको छ ।
काभ्रेको धनेश्वरमा आज आयोजित कार्यक्रममा बोल्दै पूर्व उपप्रधानमन्त्री समेत रहनु भएका नेता सिंहले सरकारको बजेट पनि प्रचारमुखी बाहेक नहुने दावी गर्नुभयो ।
सरकारले आफ्नो असफलता ढाकछोप गर्न र सस्तो लोकप्रियता कमाउनका लागि नीति तथा कार्यक्रममा महात्वाकांक्षी योजना ल्याएको उहाँले बताउनु भयो ।
नेता सिंहले वर्तमान सरकारको दिनगन्ती सुरु भइसकेकाले छिट्टै ढल्ने जिकिर समेत गर्नुभयो । सरकारमा सहभागि उपप्रधानमन्त्री र मन्त्रीहरुले नै साउन भित्र सरकार परिवर्तन हुन्छ भनेकाले दिन गन्ति सुरु उहाँको भनाई थियो ।
संविधान कार्यान्वयन गर्न र भूकम्प पीडितलाई राहात तथा पुनःस्थापन गराउन नसकेकाले सरकार असफल भएको उहाको दाबी छ ।
कार्यक्रम नेता सिंहले एक करोड ६४ लाख रुपैयाँमा निर्माण हुन लागेको धनेश्वर महादेवको मन्दिरको शिलान्यास समेत गर्नुभएको छ ।
