काठमाडौ २७ वैशाख ।
सत्ता नेतृत्वकर्ता दल नेकपा एमालेको संसदीय दलको बैठक आज बस्दैछ । अपरान्न ३ बजेपछि नयाँ बानेश्वरस्थित संसद भवनमा बस्ने बैठकमा संसदमा पेश भएको आगामी आर्थिक वर्षको निति तथा कार्यक्रममाथि छलफल हुने बताइएको छ ।
प्रमुख पतिपक्षी दल नेपाली कांग्रेस लगायतका विपक्षी दलहरुले सरकारको निति तथा कार्यक्रमको विरोध गरेपछि त्यसको रचनात्मक बचाउ गर्ने सम्बन्धमा छलफल गर्न बैठक बैठक बोलाइएको हो ।
कांग्रेसले म्यादी सरकारले ल्याएको बजेटको कुनै औचित्य नभएको भन्दै विरोध गरेको छ ।
सांसदको बुझाइमा एक रुपता ल्याउन निति तथा कार्यक्रममा संलग्न नेता तथा योजना आयोगका पदाधिकारीले बैठकमा आगामी बजेटबारे जानकारी गराउने एमाले प्रमुख सचेतक भानुभक्त ढाकालले जानकारी दिनुभयो ।
बजेटको सकरात्मक पक्षबारे सांसद जानकार भएपछि सरकारको निति तथा कार्यक्रमबारे रचनात्मक बचाउका लागि सहयोग पुग्ने उहाँको भनाई छ ।
