ताप्लेजुङ , २५ वैशाख ।
ताप्लेजुङको सदरमुकाम फुङलिङ बजारमा आज दिउँसो २ बजेर ३० मिनेट जाँदा बजारको कफी हाउस नजिकै नेत्र बरालको घरबाट आगो उत्पन्न भई दुई घर जलेर नष्ट भएको छ । लाखौँ धनमाल जलेर नष्ट भएको आगलागी पीडितको भनाई छ ।
आगोले नेत्र बराल र पदम पौडेलको घर जलेर नष्ट भएको छ । सदरमुकाम फुङलिङ बजारमा २०७१ साल चैत्र ९ गते पनि तोक्मे डाँडामा आगो लाग्दा करोडौँ धनजनको क्षति हुनको साथै दर्जनौँ घर जलेर नष्ट भएको थियो ।
आगो ताप्लेजुङ नगरपालिकाको दमकलको सहायतामा नेपाल आर्मी, शसस्त्र प्रहरी बल, नेपाल प्रहरी र समुदायको प्रयासमा आगो दिउँसो ४ बजे नियन्त्रणमा लिईएको छ । अहिले आगो पूर्ण रुपमा नियन्त्रणमा लिईएको छ ।
आगो के कारणले लागेको हो थाहा हुन सकेको छैन । आगलागीबाट कति क्षति भयो भन्ने पूर्ण विवरण भने आईनसकेको प्रमुख जिल्ला अधिकारी चक्रपाणि पाण्डेले बताए ।
